U Hrodnie mužčyna zabraŭ z kramy skryniu z achviaravańniami dla Hrodzienskaha dziciačaha chośpisa. Hety incydent zdaryŭsia dniom 11 červienia ŭ pamiaškańni centra prodažu kampjutaraŭ i telefonaŭ «Ličbavy Centr» na vulicy Antonava, paviedamlaje Błoh Hrodna s13.

Mužčyna, jakoha zafiksavała unutranaja kamiera videanazirańnia, metanakiravana išoŭ da skrynki, ustalavanaj vałanciorami dla zboru achviaravańniaŭ. Na videa vidać, jak jon niekatory čas mitusicca i sprabuje ŭzłamać skrynku, ale ŭ jaho ničoha nie atrymlivajecca. U vyniku jon damohsia žadanaha i vykraŭ častku hrošaj. U momant, kali toj paśpiašaŭsia ŭciačy z kramy, za im vybieh supracoŭnik handlovaha abjekta, ale nie zmoh dahnać.

Užo praz hadzinu paśla kradziažu 23-hadovy mužčyna byŭ zatrymany supracoŭnikami milicyi na čyhunačnym vakzale. Sam jon źjaŭlajecca žycharom Mazyra, letaś pryciahvaŭsia da adkaznaści za padobnyja dziejańni.

Клас
0
Панылы сорам
0
Ха-ха
0
Ого
0
Сумна
0
Абуральна
0