Zianon Paźniak raskrytykavaŭ słovy Śviatłany Aleksijevič padčas žyvoha efiru na telekanale «Dožd́».

9 červienia biełaruskaja nobeleŭskaja laŭreatka, siarod inšaha, skazała:

«Vajna, jakuju pačała Rasieja ŭ Danbasie — na sumleńni Rasiei. Takuju vajnu možna pačać i ŭ Biełarusi. Dajcie tudy tanki, dajcie tudy zbroju, i katoliki buduć zabivać pravasłaŭnych ci kaho zaŭhodna».

Pavodle Paźniaka, zajava Aleksijevič nakiravanaja pierš za ŭsio na raspalvańnie relihijnaj i sacyjalnaj varožaści ŭ biełaruskim narodzie.

«Nie prypaminaju, kab chto kali (navat u asiarodździ adkrytych vorahaŭ Biełarusi) hetak kazaŭ. Druhoje — takaja zajava nakiravana na dezynfarmacyju zachodnich palitykaŭ i zachodniaha abyvaciela, jakija ničoha nia viedajuć pra Biełaruś i žyvuć stereatypami Paŭnočnaj Irlandyi, Serbii, Bośnii dy Kosava. Chryścijanstva ŭ hetaj zachodniaj liberalistyčnaj biurakratyi i achłakratyi źnižana, pierakručana i nie ŭ pašanie», — napisaŭ Zianon Paźniak.

Staršynia KCHP-BNF prapanuje Śviatłanie Aleksijevič paprasić prabačeńnia ŭ biełarusaŭ za raspalvańnie relihijnaj i sacyjalnaj varožaści.

«Pieršaje, što treba zrabić, heta (pažadana razam i katalikam, i pravasłaŭnym) źviarnucca ŭ sud ab uzbudžeńni kryminalnaj spravy suprać hramadzianki Śviatłany Aleksijevič pavodle artykułu 130 Kryminalnaha Kodeksu Respubliki Biełaruś. — Raspalvańnie rasavaj, nacyjanalnaj, relihijnaj albo inšaj sacyjalnaj varožaści albo roźni».

Paźniak padtrymaŭ adkryty zvarot mitrapalita Tadevuša Kandrusieviča, u jakim hierarch śćviardžaje, što ŭ Biełarusi «histaryčna skłalisia dobryja jak mižkanfesijnyja, tak i mižrelihijnyja adnosiny».

Клас
0
Панылы сорам
0
Ха-ха
0
Ого
0
Сумна
0
Абуральна
0