«Na terytoryi Savieckaha Sajuza nivodnaja nacyja nie źnikła, a na terytoryi Jeŭropy — vializnaja kolkaść movaŭ rastvaryłasia», — skazaŭ u intervju «Našaj Nivie» były hałoŭny ideołah krainy i ciapierašni kiraŭnik Centralnaha rajona Minska Ihar Buzoŭski.

Kab prademanstravać, što situacyja ŭ Rasii nie zusim takaja dobraja, jak miarkuje spadar Buzoŭski, my pryviadziom niekalki prostych prykładaŭ.

Dziela paraŭnańnia, pavodle apošniaha rasijskaha pierapisu biełaruskaj movaj vałodaje 173 tysiačy žycharoŭ Rasii.

Niŭchi

Fota dementievskiy.livejournal.com.

Fota dementievskiy.livejournal.com.

Hety narod u knizie 1Q84 apisvaŭ Charuki Murakami. Staraja nazva niŭchaŭ — hilaki. «Zimoju jurta byvaje poŭnaja dymu, jaki idzie ad ačaha, i da taho ž jašče hilaki, ich žonki i navat dzieci palać tytuń. Mahčyma, hetaj kiepskaj zvyčcy jany abaviazany svaim małym rostam, azyzłym tvaram, peŭnaj mlavaściu i lanotaj svaich ruchaŭ», — pisaŭ Murakami.

Niŭchi žyvuć na Sachalinie i Chabaraŭskim krai. «Niŭch» abaznačaje čałaviek. Pradstaŭnikoŭ hetaha naroda zastałosia nie tak i mała na terytoryi Rasii — bolš za 4 tysiačy. Ale niŭchskaj movaj vałodajuć usiaho 198 čałaviek. I vialikaja častka ź ich prosta moža adroźnić samyja papularnyja słovy. Sapraŭdnych nośbitaŭ movy niŭchaŭ zastajecca mienš za sotniu čałaviek, u asnoŭnym piensijanieraŭ.

Vodź

Fota gumilev-center.ru.

Fota gumilev-center.ru.

Staražytny fina-vuhorski narod, jaki nasialaŭ terytoryju sučasnaj Leninhradskaj vobłaści Rasii. Na siońnia ŭ Rasii žyvie 64 pradstaŭniki hetaha naroda, dy jašče 10 u Estonii. Choć ŭ siaredzinie XIX stahodździa vodzi było bolš za 5 tysiač, a raniej — dziasiatki tysiač. U 1926 hodzie — zvyš 700 čałaviek. Nośbitami movy vodzi źjaŭlajecca 6—10 čałaviek.

Ižorcy

Fota portal.do.mrsu.ru.

Fota portal.do.mrsu.ru.

Ižorcy i słavianie byli tymi, chto pačynaŭ asimilacyju vodzi. Naprykład, u Sankt-Pieciarburhu isnuje Ižorski trubny zavod, a voś samich ižorcaŭ u Rasii zastałosia 266 čałaviek. Jašče da siaredziny XX stahodździa ižorcy zachoŭvali svaju movu. U 1926 hodzie ižorcaŭ naličvałasia bolš za 16 tysiač.

Itelmieny

Fota slavanthro.mybb3.ru.

Fota slavanthro.mybb3.ru.

Nazva pachodzić ad etnonima «tutejšy». Žyvuć na terytoryi Kamčackaha kraja i Mahadanskaj vobłaści. Na siońnia itelmienaŭ u Rasii pražyvaje bolš za 3 tysiačy čałaviek, ale rodnuju movu viedajuć tolki 82 čałavieki. U kancy XVII stahodździa kolkaść itelmienaŭ aceńvałasia ŭ 12 tysiač. Na toj čas heta było niemałoje plemia. Pieradača vusnaj movy ad baćkoŭ da dziaciej spyniłasia ŭ itelmienaŭ jašče 50 hadoŭ tamu.

Chanty i mansi

Fota aquatek-filips.livejournal.com.

Fota aquatek-filips.livejournal.com.

Kaliści hetyja narody kantralavali vializnyja terytoryi ziamli Juhry na paŭnočnym Urale. Heta adzin z najbolš bahatych rehijonaŭ Rasii. Na siońnia chanty zastajecca 31 tysiača, a mansi — 12 tysiač. Razam pradstaŭniki hetych narodaŭ składajuć usiaho 2% ad žycharoŭ Chanty-Mansijskaj akruhi. Chacia jašče ŭ 1939 hodzie ich było kala 20%, a da XIX stahodździa jany byli bolšaściu na svajoj ziamli. Katastrafičnaja situacyi i adnosna vałodańnia movaj. Mansi viedajuć mienš za tysiaču čałaviek, a chanty — kala 9 tysiač.

Kareły

Fota karjalan.ru.

Fota karjalan.ru.

Heta jašče nie zusim małaliki narod Rasii, adnak kolkaść karełaŭ vielmi imkliva źnižajecca. Pavodle pierapisu-2010, karełaŭ zastałosia 60 tysiač. Jany składajuć usiaho kala 10% žycharoŭ Karelii. Karelija jość, a karełaŭ — niama. I navat kali ŭličyć, što ŭ 1940-ja ŭ vyniku saviecka-finskaj vajny mnohija kareły pierajechali ŭ Finlandyju, to ŭ 1959-m u Rasii jašče žyło 167 tysiač karełaŭ. Nośbitaŭ karelskaj movy ŭ Rasii zastałosia ŭsiaho 25 tysiač čałaviek.

Nanajcy

Fota rigma.info.

Fota rigma.info.

Mały narod z Dalokaha Uschoda, mnohija pamiatajuć vydatnaha śpievaka Koła Bieldy. Na siońnia ŭ Rasii žyvie bolš za 11 tysiač nanajcaŭ, ale tolki kožny dziasiaty chacia b minimalna niešta moža skazać na svajoj movie. Najbolš nanajcaŭ žyvie ŭ Kamsamolsku-na-Amury — kala tysiačy čałaviek.

Клас
0
Панылы сорам
1
Ха-ха
0
Ого
1
Сумна
4
Абуральна
3

Chočaš padzialicca važnaj infarmacyjaj ananimna i kanfidencyjna?