Kantrol nad jakaściu charčavańnia ŭ škołach budzie ŭzmocnieny, pra heta paviedamiŭ siońnia žurnalistam ministr adukacyi Biełarusi Ihar Karpienka pierad sumiesnym pasiadžeńniem kalehij Minadukacyi, Ministerstva achovy zdaroŭja i Minsportu Biełarusi.
Ministr adznačyŭ, što da 1 vieraśnia budzie hruntoŭna praanalizavana sistema kantrolu arhanizacyi charčavańnia ŭ škołach z boku kantraloraŭ handlu i hramadskaha charčavańnia, a taksama školnaj hramadskaści - ciapier u kožnaj ustanovie ahulnaj siaredniaj adukacyi funkcyjanuje śpiecyjalnaja kamisija, jakaja kuryruje adpaviednyja pytańni.
«Vielmi važna zbałansavana vybudavać mieniu, pavysić jakaść straŭ, zabiaśpiečyć adpaviednuju canu i jakaść charčavańnia dziaciej. U školnych stałovych i bufietach nie pavinna być čypsaŭ, hazavanych sałodkich napojaŭ i padobnych tavaraŭ. Tam pavinny być pradukty, jakija nie naniasuć škodu zdaroŭju dziaciej», - skazaŭ Ihar Karpienka.
