Pieršakurśnik adnoj z navučalnych ustanoŭ pasvaryŭsia z vučniem 11 kłasa z-za asabistaj niepryjaznaści. Vynikam stała bojka.
Ilustratyŭnaje fota
Uviečary 6 maja ŭ lasnym masivie kala muzyčnaj škoły chłopcy vyrašyli vyśvietlić adnosiny. Student, jaki byŭ napadpitku, złamaŭ školniku skivicu, paviedamlaje śvietłahorski partał «Ranak».
«Suprać navučenca adnoj ź siarednie-śpiecyjalnych adukacyjnych ustanoŭ zaviedzienaja kryminalnaja sprava za naŭmysnaje pryčynieńnie mienš ciažkaha cialesnaha paškodžańnia, — raspaviała major justycyi Maryja Saŭčanka. — Nieabchodna pamiatać, što miedycynskaja ŭstanova zaŭsiody paviedamlaje ŭ RAUS pra vypadki padobnych traŭmaŭ. Choča paciarpieły ci nie choča pisać zajavu, sprava zavodzicca pa fakcie. Hetaje praviła tyčycca i padletkaŭ, i darosłych».
Pa zaklučeńni ekśpiertaŭ, 16-hadovy padazravany psichična adekvatny, ale ŭžo pakutuje ad ałkaholnaj zaležnaści. Akramia taho, hety ž pieršakurśnik prachodzić padazravanym pa niekalkich kryminalnych spravach.
Sprava pieradadzienaja ŭ sud.