Kureńnie stała pryčynaj zadymleńnia na trecim enierhabłoku Čarnobylskaj AES. Takaja infarmacyja raźmieščanaja na sajcie Dziaržaŭnaj inśpiekcyi jadziernaha rehulavańnia Ukrainy.
Jak paviedamlałasia, 13 červienia ŭ 15.57 pastupiła infarmacyja ab zadymleńni ŭ dvuch pamiaškańniach treciaha enierhabłoka Čarnobylskaj AES. U 16.00 jano było likvidavanaje ratavalnikami.
Pryčynaj zadymleńnia stała kureńnie ŭ nienaležnym miescy nieŭstalavanaj asobaj. Ciapier viadziecca słužbovaje rasśledavańnie, inicyjavanyja dadatkovyja pravierki supraćpažarnaha režymu na stancyi. Hetaje zdareńnie nie akazała niehatyŭnaha ŭpłyvu na radyjacyjny stan pamiaškańniaŭ błoka №3 i pramplacoŭki ČAES. Na siońnia jadziernaha paliva na enierhabłoku №3 niama. U pamiaškańniach, dzie zdaryłasia zadymleńnie, technałahičnaje abstalavańnie adsutničaje. Radyjacyjny fon na terytoryi Čarnobylskaj AES nie źmianiŭsia.
