Nacyjanalny bank Biełarusi z 1 lipienia vyvodzić rasijski rubiel sa składu zołatavalutnych reziervaŭ i całkam pierachodzić na mižnarodnyja standarty pry raźliku. Pra heta havorycca ŭ pres-relizie biełaruskaha rehulatara.
Z 2004 hoda Nacbank publikavaŭ pakazčyki reziervaŭ, raźličvajučy ich adrazu pa dźviuch mietodykach: nacyjanalnaj i toj, jakaja abapirajecca na standarty MVF. Nacyjanalnyja standarty ŭklučali ŭ skład reziervaŭ nie tolki rasijski rubiel, ale i kaštoŭnyja kamiani i mietały, jakija nie adnosiacca da manietarnaha zołata.
Pierachod na mižnarodnyja standarty, jak havorycca ŭ zajavie rehulatara, dapamoža ŭdaskanalvać kiravańnie zołatavalutnymi reziervami, a taksama dośvied, atrymany «u chodzie ŭdziełu ŭ Prahramie pa kansultavańni i kiravańni reziervami Suśvietnaha banka, rekamiendacyj MVF i praktyki kiravańnia aficyjnymi reziervovymi aktyvami centralnymi bankami inšych dziaržaŭ».
Na 1 červienia reziervy Biełarusi, raźličanyja pa mižnarodnych standartach, składali 5,2 młrd dalaraŭ, pa nacyjanalnych — 5,6 młrd dalaraŭ.
