13 červienia na 64-m hodzie pajšoŭ z žyćcia prafiesar kafiedry historyi Biełarusi i słavianskich narodaŭ, doktar histaryčnych navuk, prafiesar Mikałaj Michajłavič Zabaŭski, paviedamlaje sajt BDPU.
Na praciahu dziesiaci hadoŭ (2004—2014 hh.) M.M. Zabaŭski źjaŭlaŭsia dekanam histaryčnaha fakulteta BDPU imia M. Tanka, z 2002 pa 2004 hh. — dyrektar dziaržaŭnaj ustanovy «Nacyjanalny navukova-adukacyjny centr imia F. Skaryny». Aŭtar 3 manahrafij, 19 navukova-mietadyčnych i 112 navukovych prac. Pad jaho navukovym kiraŭnictvam byli padrychtavanyja i paśpiachova abaronienyja 2 doktarskija i 3 kandydackija dysiertacyi.
Bolš za dziesiać hadoŭ M.M. Zabaŭski źjaŭlaŭsia členam Savietaŭ pa abaronie dysiertacyj pry BDPU i BDU, redakcyjnych kalehij navukova-mietadyčnych časopisaŭ «Biełaruski histaryčny časopis», «Historyja i hramadaznaŭstva», «Vieści BDPU», inšych navukovych vydańniaŭ.
Raźvitańnie z M.M. Zabaŭskim adbudziecca 15 červienia z 12.00. da 14.00. u Domie Smutku (zav. Kabuškina, 49; ujezd z boku vuł. A. Kulašova; rajon stancyi mietro Aŭtazavodskaja).
