Handbalisty zbornaj Biełarusi daterminova zabiaśpiečyli sabie vychad u finalnuju stadyju čempijanatu Jeŭropy—2018, paviedamlaje BIEŁTA.
Siońnia ŭ Krajovie padapiečnyja Juryja Šaŭcova ŭpeŭniena pierajhrali kamandu Rumynii ź likam 32:22. Hości ŭžo da pierapynku stvaryli vydatny zapas tryvałaści, vyjhraŭšy pieršy tajm 19:11. Paśla pierapynku biełarusy praciahvali dyktavać svaje ŭmovy i ŭpeŭniena daviali sustreču da pieramohi, uziaŭšy pierakanaŭčy revanš za paražeńnie ŭ matčy pieršaha kruha ŭ Minsku ź likam 23:26.
Napiaredadni ŭ druhim matčy 6-ha tura 2-j kvalifikacyjnaj hrupy zbornyja Polščy i Sierbii zhulali ŭničyju — 34:34.
Takim čynam, za tur da finišu pucioŭki ŭ Charvatyju zavajavali biełaruskija i sierbskija handbalisty, jakija 18 červienia sustrenucca ŭ minskim pałacy sportu «Uručča». U pieršym kruzie spabornictvaŭ biełarusy pierajhrali sierbaŭ u haściach — 36:27. U hety ž dzień palaki prymuć na svajoj placoŭcy rumynskuju kamandu.
Turnirnaje stanovišča pierad zaklučnym hulniavym dniom: Biełaruś — 7 ačkoŭ, Sierbija — 7, Rumynija — 4, Polšča — 2.
