Cieła 20-hadovaha chłopca sa skrypkaj znojdzienaje ŭ lesie Lidskaha rajona, paviedamiŭ BIEŁTA aficyjny pradstaŭnik USK pa Hrodzienskaj vobłaści Siarhiej Šaršanievič.
Trup znajšli 7 červienia ŭ lasnym masivie pablizu vioski Dajnova. Na ciele vyjaŭlenyja množnyja rezanyja rany levaha pieradplečča i plača, rany ŭ vobłaści pravaha łokcievaha zhinu i pravaha pieradplečča i ŭ vobłaści serca. Pobač lažali skrypka i smyk, futlar ad ich, a taksama lazo, akulary, mužčynskaja kašula i bializna.
Śledčyja vyśvietlili asobu zahinułaha, im akazaŭsia 20-hadovy niepracujučy žychar vioski Astroŭla, jaki pajšoŭ z domu 4 červienia.
«Pravodzicca pravierka. Papiaredniaj viersijaj hibieli chłopca źjaŭlajecca suicyd», — adznačyŭ aficyjny pradstaŭnik USK.
