Kolki moža zrabić dla svajoj kultury čałaviek za miežami svajoj dziaržavy? A kali dziaržavy niama? U nas dziaržava jość, choć nie ŭsio tak prosta ŭ joj. Ale ja nie pra heta siońnia.
Cikava, što samaja papularnaja pieśnia ŭ JUTubie na ŭkrainskaj movie, — heta nie kłasika ŭkrainskaj estrady, a adnosna niadaŭni tvor hurtu ŭkraincaŭ Polščy.
Rytmičnaja pieśnia «Radio Hello» na siońnia maje 11,6 młn prahladaŭ.
Źviartaje ŭvahu, što ź videašeraham klipa chłopcy nie parylisia.
A heta zapis kancertnaha vykanańnia na Vudstaku, prosta čad:
Dla paraŭnańnia: samaja papularnaja pieśnia Michałka, Lapisaŭ, «Voiny śvieta», maje kala 15 młn prahladaŭ.
A samaja papularnaja pieśnia JUTuba na biełaruskaj movie, «Hraj» taho ž Michałka, maje na siońnia 3,7 młn prahladaŭ.
Heta, darečy, niakiepska, z ulikam taho, što biełarusaŭ 10 miljonaŭ, a ŭkraincaŭ — 40.
Što da hurtu Enej, to ich apošni chit, «Bila topoli» (Kala tapoli), taksama zdabyŭ vializnuju papularnaść va Ukrainie i ŭ Polščy. Faktyčna, staŭ narodnaj pieśniaj, jak i chity Michałka.
