Dziaŭčyna ŭ stanie ałkaholnaha apjanieńnia paškodziła piać mašyn u dvary na vuł. Rusijanava nočču 16 červienia, paviedamili ahienctvu «Minsk-Naviny» ŭ DAI Pieršamajskaha rajona.
«DTZ zdaryłasia ŭ 3:30 ŭ dvary doma № 16 na vuł. Rusijanava. Dziaŭčyna 1993 hoda naradžeńnia sieła za rul «Falksvahiena Pasat», aformlenaha na inšaha čałavieka. Ź jaje słoŭ, jana abjazdžała jamu, spačatku ŭdaryła pryparkavany sprava «Deu», zatym praciahnuła ruch i začapiła «Nisan», jaki stajaŭ źleva. Paśla ŭrezałasia ŭ «Mazdu» i «Falksvahien Poła». Spyniłasia tolki na hazonie», — raspaviała staršy inśpiektar pa ahitacyi i prapahandzie adździeła DAI Pieršamajskaha RUUS Aksana Miachiedka.
Akazałasia, što aŭtaamatarka nikoli nie atrymlivała paśviedčańnia kiroŭcy. Mała taho, sieła za rul u stanie ałkaholnaha apjanieńnia: miedycynski ahlad pakazaŭ 1,37 pramile. Ciapier dziaŭčynie pahražaje bujny štraf. Akramia taho, jana na praciahu troch hadoŭ budzie pazbaŭlenaja mahčymaści atrymać pravy.
