Maładyja ludzi razhajdali aŭtamabil tak, što jon skaciŭsia ŭ sažałku. Chłopiec i dziaŭčyna nie zmahli vyleźci i zachłynulisia.
U Jełanskim rajonie Vałhahradskaj vobłaści (RF) 22-hadovyja chłopiec i dziaŭčyna, jakija zajmalisia seksam na zadnim siadzieńni aŭtamabila, razhajdali mašynu, pryparkavanuju la sažałki, tak, što aŭtamabil źjechaŭ prosta ŭ vadajom. Vybracca adtul maładym ludziam nie ŭdałosia. Paźniej ich cieły vyniała palicyja, paviedamlajuć rasijskija ŚMI.
Trahiedyja adbyłasia 12 červienia. Pra źniknieńnie maładych ludziej zajavili ich svajaki. Było viadoma, što para adpraviłasia na aŭtamabili «Niva» na sažałku i bolš nie viarnułasia.
Palicyjanty, jakija prybyli na miesca zaŭvažyli ślady ad pratektara šyn. A paźniej z vady była vyniataja mašyna, u jakoj na zadnim siadzieńni byli znojdzienyja dva cieły.
Vyśvietlena, što chłopiec byŭ spartsmienam: jon pracavaŭ nastaŭnikam fizkultury.
