Uładzimir Pucin raspavioŭ, u jakija biełaruskija prajekty ŭkładvaje hrošy rasijski kapitał, i ŭ jakija rasijskija haliny inviestuje Biełaruś. Pra heta paviedamlaje pres-słužba prezidenta Rasii.

fota pres-słužby prezidenta Rasii

fota pres-słužby prezidenta Rasii

Uładzimir Pucin adznačyŭ, što Rasii i Biełarusi ŭdałosia vybudavać efiektyŭnuju strukturu kaapieracyi, što «stvaraje nadziejnuju bazu dla naroščvańnia dziełavoj aktyŭnaści, prytoku kapitałaŭ u ekanomiki abiedźviuch dziaržaŭ».

«Tak, u 2016 hodzie abjom inviestycyj z Rasii ŭ Biełaruś dasiahnuŭ 4 miljardaŭ dalaraŭ, pryčym asnoŭnaja ich dola prypadaje na pramyja kapitałaŭkładańni - heta 3,5 miljarda dalaraŭ. Rasijski biznes układajecca ŭ biełaruski transpart, apracoŭčuju pramysłovaść. U svaju čarhu, Biełaruś inviestavała ŭ rasijskuju sielskuju haspadarku, u roźničny handal, farmaceŭtyku bolš za 600 miljonaŭ dalaraŭ», — raspavioŭ Pucin.

Rasijski prezident taksama skazaŭ, što najbolš aktyŭna ź biełaruskimi partniorami pracujuć u Maskoŭskaj vobłaści, Pskoŭskaj, Smalenskaj, Śviardłoŭskaj, Ciumienskaj abłaściach, Baškartastanie, Tatarstanie, a taksama ŭ Maskvie i Sankt-Pieciarburhu.

«Nabiraje abaroty ŭzajemadziejańnie Biełarusi z rasijskim Dalokim Uschodam. Adzin z prykładaŭ — sumiesnaje stvareńnie ŭ Sachalinskaj vobłaści sučasnaha ahraharadka. Raźličvajem, što kolkaść takich uzajemavyhadnych prajektaŭ budzie tolki raści, u tym liku, za košt mahčymaściaŭ, jakija adkryvajucca dla biźniesu i ŭ novych rehijonach Rasijskaj Fiederacyi», - adznačyŭ Pucin.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?