Sud Zavodskaha rajona Minska vynies prysud Kanstancinu Burykinu — pravasłaŭnamu śviataru ź vioski Hatava, jaki abvinavačvaŭsia ŭ zachoŭvańni zbroi. 

Sud pryznaŭ Burykina vinavatym pa dvuch artykułach (zachoŭvańnie zbroi) i prysudziŭ da troch hadoŭ kałonii ŭzmocnienaha režymu, znachodžańnie ŭ izalatary (ź listapada 2016 hoda) zaličyć u termin: adzin dzień u IČU — adzin dzień u kałonii.

Kanstancina Burykina zatrymali pry kancy listapada 2016 hoda, tady jon jašče de-fakta ŭznačalvaŭ Fiederacyju paŭerliftynhu Biełarusi i byŭ baciuškam u pravasłaŭnym prychodzie vioski Hatava pad Minskam. 

Fota Siarhieja Hudzilina

Fota Siarhieja Hudzilina

Burykin raskazaŭ na sudzie, što atrymaŭ tyja pistalety, u zachoŭvańni jakich jaho vinavacili, ad RNIE (ekstremisckaj arhanizacyi, zabaronienaj u Biełarusi). 

U RNIE jon byŭ duchaŭnikom, pra kantakty spravazdačyŭsia mitrapalitu Fiłaretu. 

Čytajcie taksama: «Baciuška sa svastykaj» na sudzie: pistalety atrymaŭ ad RNIE, pra kantakty z RNIE davaŭ spravazdačy Fiłaretu

Na sudzie Burykin kazaŭ, što ŭsia kryminalnaja sprava suprać jaho — heta vyniki paklopaŭ asobnych ludziej ź fiederacyi paŭerliftynha, chacia jon, maŭlaŭ, tuju fiederacyju «padniaŭ z kalen». 

Praŭda, udziačnych spartoŭcaŭ u zale suda nie było. 

Čytajcie taksama: Sud nad «baciuškam sa svastykaj»: pryjomny syn raskazaŭ, jak jeździli ŭ les stralać ź pistaleta

Клас
0
Панылы сорам
0
Ха-ха
0
Ого
0
Сумна
0
Абуральна
0