Samyja darahija ziemli Biełarusi vyznačany pa vynikach kadastravaj acenki. Takaja infarmacyja raźmieščanaja na sajcie Dziaržaŭnaha kamiteta pa majomaści.

Nacyjanalnaje kadastravaje ahienctva Dziaržaŭnaha kamiteta pa majomaści zaviaršyła raboty pa kadastravaj acency ziamiel pa vidach funkcyjanalnaha vykarystańnia ziamiel «žyłaja siadzibnaja zona» i «rekreacyjnaja zona», a taksama ziamiel sadavodčych tavarystvaŭ i dačnych kaapieratyvaŭ. Paśla zaćviardžeńnia novyja vyniki buduć vykarystoŭvacca dla met, vyznačanych zakanadaŭstvam, u tym liku dla met padatkaabkładańnia z 1 studzienia 2018 hoda.

Pa vynikach kadastravaj acenki na 1 lipienia 2016 hoda samymi darahimi ziemlami ŭ Biełarusi źjaŭlajucca ziemli Minska. Ich siaredni kadastravy košt pavodle vidu funkcyjanalnaha vykarystańnia ziamiel «žyłaja siadzibnaja zona» składaje 169,36 rub. za kv. m.

Dalej u trojcy haradoŭ Zasłaŭje (31,82 rub. za kv. m), Salihorsk (30,3 rub.), Fanipal (30,2 rub.).

Siarod abłasnych centraŭ samymi darahimi akazalisia ziemli Bresta (24,88 rub. za kv. m), a samymi tannymi — Mahilova, dzie siaredni kadastravy košt pavodle vidu funkcyjanalnaha vykarystańnia ziamiel «žyłaja siadzibnaja zona» skłała 16,52 rub. za kv. m.

Siarod sielskich nasielenych punktaŭ samyja darahija ziamli znachodziacca ŭ Minskaj vobłaści, dzie siaredni kadastravy košt składaje 1,31 rubloŭ za kv. m. Lidarami tut stali Minski (12,33 rub. za kv. m), Smalavicki (3,13 rub.) i Dziaržynski (2,78 rub.) rajony.

Samy nizki kadastravy košt ziamiel u sielskich nasielenych punktach u Mahiloŭskaj vobłaści. Naprykład, u Klimavickim i Chocimskim rajonach — 0,12 rub. za kv. m, u Krasnapolskim i Kruhlanskim — 0,14 rub. za kv. m. Darečy, siaredniaje značeńnie kadastravaha koštu ŭ Mahiloŭskaj vobłaści (0,28 rub. za kv. m) u piać razoŭ mienšaje, čym u Minskaj (1,31 rub. za kv. m).

Maksimalnaje značeńnie siaredniaha kadastravaha koštu ziamiel sadavodčych tavarystvaŭ i dačnych kaapieratyvaŭ taksama nazirajecca ŭ Minskaj vobłaści i składaje 2,26 rub. za kv. m. Lidaram tut vystupaje Minski rajon, dzie ziemli ŭ siarednim aceńvajucca ŭ pamiery 10,85 rub. za kv. m. Vysoki kadastravy košt abumoŭleny blizkim raźmiaščeńniem da Minska, najaŭnaściu inžyniernych kamunikacyj i dobrym transpartnym złučeńniem.

Клас
0
Панылы сорам
0
Ха-ха
0
Ого
0
Сумна
0
Абуральна
0