Kaśmičnaja stancyja Juno (Jupiter Polar Orbiter) zrabiła samyja jakasnyja na siońniašni dzień zdymki Vialikaj čyrvonaj plamy Jupitera. Adredahavanyja fatahrafii dastupnyja na sajcie Paŭdniova-zachodniaha daśledčaha instytuta (ZŠA).

NASA

Zdymki zroblenyja 10 lipienia 2017 hoda padčas pralotu nad Jupiteram. Adlehłaść pamiž hazavym hihantam i stancyjaj varjiravałasia ad prykładna dziesiaci da čatyrnaccaci tysiač kiłamietraŭ.

Vialikaja čyrvonaja plama, samaja vialikaja atmaśfiernaja vichura ŭ Soniečnaj sistemie, maje pamiery kala 40 tysiač kiłamietraŭ u daŭžyniu i 13 tysiač kiłamietraŭ u šyryniu, što bolš za lubyja liniejnyja pamiery Ziamli. Nazirańniem źjavy navukoŭcy zajmajucca z 1830 hoda.

U zadačy misii Juno uvachodzić daśledavańnie abłokaŭ i palarnych źziańniaŭ Jupitera. Pry dapamozie adnajmiennaj stancyi navukoŭcy spadziajucca daviedacca bolš ab pachodžańni płaniety, budovie i fizičnych ułaścivaściach jaje atmaśfiery i mahnitaśfiery. Misija Juno pavinna zaviaršycca ŭ lutym 2018 hoda zatapleńniem stancyi ŭ atmaśfiery hazavaha hihanta.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?