Dobry dzień, pavažanaja «Naša Niva»!
Z ahidaj pahladzieŭ na fota, dzie futbalist «Lidsa», jaki «znajšoŭ ščaście ŭ Biełarusi», badziora kročyć pa Minsku, demanstrujučy, što jon na pratezie. I za śpinaj, zdajecca, druhi aholeny pratez! Dla čaho takaja demanstracyja kalectva?! Jon što, hanarycca hetym??? Miarkuju, što jon kročyć z prateznaha zavoda, dzie atrymaŭ novy pratez. Dyk tam, kali vydajuć novy pratez, zapakoŭvajuć jaho ŭ pakiet. Ja taksama na pratezie, ale saromiejusia, kab jaho bačyli inšyja, asabliva dzieci. A tut… demanstracyja svaho kalectva na ŭvieś śviet! Tamu i artykuł pra jaho nie staŭ čytać…
Toje samaje fota, što aburyła čytača «Našaj Nivy». Hieroj publikacyi Deren But udzielničaje ŭ minskim paŭmarafonie.
Mnie na ŭsio žyćcio zapomniŭsia vyraz hałoŭnaha hieroja ramana Stelmacha «Chleb i sol»: jon ciarpieć nie moh tych, chto, «hublajučy hodnaść, vystaŭlaje svaju biadu napokaz, jak žabrak — kalectva».
* * *
Ad Redakcyi
My byli vielmi ŭražanyja takim listom. Bo my nie ličym padychod Derena Buta niaspraviadlivym. Jon ža nie śpiekuluje svaim kalectvam, nie vystaŭlajecca. Prosta žyvie svaim žyćciom, pieraadolvajučy svaju dolu.
A jak vy dumajecie, ci narmalna pakazvać svaje pratezy? Adkazvajcie ŭ kamientach.