Pryčynaj dla takoj internet-akcyi stała niadaŭniaja zajava rasijskaha Ministerstva zamiežnych spraŭ, dzie partyzan krain Bałtyi nazvali złačyncami. Havorka idzie pra «lasnych bratoŭ» — tak nieaficyjna nazyvajuć uzbrojenyja nacyjanalna-vyzvalenčyja siły, jakija dziejničali ŭ 1940-1950-ja hady na terytoryi Litvy, Łatvii i Estonii.
Inicyjataram fłešmobu staŭ viadomy žurnalist Andrus Tapinas, jaki aburyŭsia tym, što na rasijskuju prapahandu litoŭskaja infarmacyjnaja prastora amal nijak nie adreahavała.
«Kali MZS RF na svajoj aficyjnaj staroncy moža palivać nas brudam, my na heta možam adkazać. Idzicie na ich staronku ŭ Facebook i pakińcie tam vietlivaje #kremlnašuhistoryjuniepierapišaš», — zaklikaŭ Andrus Tapinas.
Na jaho prapanovu adreahavali tysiačy ludziej, jakija stali masava pakidać roznyja kamientary, u tym liku i niecenzurnyja. U vyniku rejtynh staronki MZS za niekalki hadzin źniziŭsia z 5 da 1 bała.