Ciažka pavieryć, što na zdymkach viadomaha fotamastaka Viktara Małyščyca biełaruskaja kaplica, nastolki nierealna jana vyhladaje. Staić kaplica prosta pasiarod lesu la amal niežyvoj vioski Dubok niedaloka ad bieraha Vilii.
Zbudavali jaje ŭ 1929 hodzie, kaplicy niama jašče i sta hadoŭ. Amal uvieś čas jana začynienaja. Śviataja Imša tut prachodzić raz na hod, u pieršuju niadzielu lipienia padčas štohadovaha festu, na jaki ŭ lasny huščar da kaplicy źjazdžajucca vierniki. Elektryčnaści, darečy, tut niama.
«Pamiataju, pamučyŭsia, pakul adšukaŭ hetaje miesca, — pryhadvaje Viktar Małyščyc. — A ŭ vioscy i nie było ŭ kaho zapytacca — nivodnaj žyvoj dušy. Zusim vypadkova na jaho natknuŭsia. Staić kaplica krychu zboku ad Dubka, niepadalok ad bieraha Vilii. Tam jašče pa darozie možna ŭbačyć vielmi stary razvalisty toŭsty-toŭsty dub. Darečy, zaŭvažyŭ voś što. Pa Vilii spłaŭlajecca šmat bajdaračnikaŭ, i ŭ ich na kartach hetaja kaplica naniesienaja. Mnohija ź ich spyniajucca, prychodziać da kaplicy».
Treba skazać, što zdymki Małyščyc zrabiŭ hod tamu. Z novym dacham kaplica vyhladaje zusim inakš.
Fota catholic.by
Hetyja fota zroblenyja padčas sioletniaha festu, što prajšoŭ tydzień tamu.
A voś staryja fota kaplicy, jakija adšukaŭ Kastuś Šytal.
