Prach kniahini Mahdaleny Radzivił sa Šviejcaryi pryvioz Alaksandr Sapieha — namieśnik staršyni Asacyjacyi biełarusaŭ Šviejcaryi.
Biełaruskaja supolnaść Šviejcaryi pieradała prach minskaj parafii śviatych Symona i Aleny. Va ŭračystaści ŭziaŭ udzieł probašč parafii ksiondz-mahistar Uładzisłaŭ Zavalniuk.
Pakul nie vyznačana miesca, dzie budzie pachavany prach Mahdaleny Radzivił, jon budzie znachodzicca ŭ Čyrvonym kaściole, paviedamlaje radyjo «Svaboda».
Fota Kryściny Šyjanok.
Letaś u lipieni kniaź Maciej Radzivił u Minsku paviedamiŭ, što praŭnuki viadomaj biełaruskaj miecenatki, kniahini Mahdaleny Radzivił pastanavili pierapachavać jaje prach u Minsku — u kaściole śviatych Symona i Aleny, pobač ź jakim jana žyła.
Mahdalena Radzivił. Zdymak zabiaśpiečany Hlebam Łabadzienkam.
Siamja źviarnułasia z hetaj idejaj da arcybiskupa Tadevuša Kandrusieviča, a taksama da probašča Čyrvonaha kaścioła ksiandza Uładzisłava Zavalniuka, jakija vielmi zyčliva pastavilisia da hetaj idei, tym bolš, što ŭžo raniej u Čyrvonym kaściole pierapachavali pareštki fundatara kaścioła Edvarda Vajniłoviča i anhlijskaha muzykaznaŭcy, daśledčyka biełaruskaj kultury Haja Pikardy.
Čytajcie taksama:
«Źmieny nie bačnyja». — «Ale jany jość». Na Źjeździe biełarusaŭ śvietu sutyknulisia bačańni
Makiej na Źjeździe biełarusaŭ śvietu: Davajcie kiravacca łohikaj karparacyi
