Žurnalistka pastaviła fota na vokładku svajoj staronki ŭ fejsbuku, paśla čaho, pavodle Ahasi, jana atrymała paproki i pahrozy.
«Majo ŭčorašniaje sełfi z prezidentam Biełarusi, pavažanym spadarom Łukašenkam, vyklikała niepadrobny ažyjataž u kole kaleh-žurnalistaŭ, jakija sabralisia na XIX Suśvietny kanhres ruskaj presy, paśla čaho ja nie spała ŭsiu noč. U moj adras pasypalisia paproki i pahrozy. Čaho ja tolki nie pačuła ŭ toj dzień. Nie chaču zhadvać imiony «hierojaŭ pjesy» i ich repliki.
I tolki ranicaj, atrymaŭšy na ruki hazietu «Biełaruś Siehodnia», dzie na pieradavicy raźmieščana majo vialikaje fota padčas sełfi z prezidentam, ja jašče raz pierakanałasia ŭ pravilnaści svaich dziejańniaŭ i ŭčynkaŭ.
P.S. «A chto skazaŭ, što budzie lohka»?» — napisała žurnalistka na svajoj staroncy pad zdymkam z hazietaj.
