Paviedamleńnie pra pažar pryvatnaha doma ŭ Bierazinie pastupiła ŭ Ministerstva pa nadzvyčajnych situacyjach siońnia ŭ 00.14. Kali pažarnyja prybyli na miesca, adkrytym połymiem hareła vieranda.
Ratavalniki pačali tušyć, kali adbyŭsia vybuch hazavaha bałona.
Praparščyk unutranaj słužby ŭ toj momant znachodziŭsia na pazicyi stvolščyka na adlehłaści niekalkich mietraŭ ad budynka. Adrazu paśla vybuchu kalehi pabačyli, što jon lažyć na ziamli biez prytomnaści i pačali pravodzić reanimacyjnyja mierapryjemstvy.
Paciarpieły byŭ dastaŭleny ŭ reanimacyjnaje adździaleńnie rajonnaj balnicy, dzie paźniej pamior.
