U narodnym refierendumie, praviedzienym vieniesuelskaj apazicyjaj, pryniali ŭdzieł 7,2 miljona čałaviek. Pra heta ranicaj u paniadziełak, 17 lipienia, paviedamili arhanizatary plebiscytu, paviedamlaje Deutsche Welle.
Apazicyjaniery vynieśli na hałasavańnie pytańnie ab kanstytucyjnaj reformie, zapłanavanaj prezidentam krainy Nikałasam Madura. Praciŭniki ŭładaŭ aścierahajucca, što papraŭki ŭ asnoŭny zakon Vieniesueły pryviaduć da dalejšaha pasłableńnia roli parłamienta i pašyreńnia paŭnamoctvaŭ prezidenta. Sam Madura ličyć plebiscyt, praviedzieny apazycyjaj, niezakonnym.
Unutry krainy prahałasavali 6,5 młn čałaviek, za miažoj - amal 700 tysiač vieniesuelcaŭ. Ahulnaje nasielnictva Vieniesueły składaje kala 31 młn čałaviek.
Padlik hałasoŭ pakul nie skončany, pra vynik refierendumu nie paviedamlajecca. Sacyjałahičnyja daśledavańni, jakija pravodzilisia raniej, pakazvali, što prapanavanuju Madura reformu padtrymlivajuć tolki kala 20% vieniesuelcaŭ.
