Reuters.com
U Indyi kandydatami na pasadu prezidenta stali vychadcy z kasty niedatykalnych. Pra heta paviedamlaje Bi-bi-si. Elektaralnaja kalehija z 4,8 tys. čałaviek, abiare lidara krainy ŭ paniadziełak, 17 lipienia.
Lidaram prezidenckaj honki staŭ były hubiernatar uschodniaha štata Bichar Ram Natchu Kavind. Jaho praciŭnik - kandydat ad apazicyi Miejra Kumar, jakaja taksama, jak i Kavind, adnosicca da kasty niedatykalnych. Kumar była pieršaj žančynaj, jakaja stała śpikieram nižniaj pałaty indyjskaha parłamienta. Jana zajmała hetuju pasadu z 2009 hoda pa 2014 hod.
Kavindu - 71 hod. Dvojčy jon byŭ lidaram ultrapravaj Indyjskaj narodnaj partyi (BDP). Miejry Kumar — 72 hady. Jana była abranaja ŭ parłamient piać razoŭ. Kumar - dačka lidara kasty niedatykalnych i byłoha namieśnika premjer-ministra Indyi Džahdžyvana Rama.
Vyniki prezidenckich vybaraŭ buduć abvieščanyja ŭ čaćvier, 20 lipienia. Kalehija vybarščykaŭ ŭklučaje členaŭ parłamienta i pradstaŭnikoŭ zakanadaŭčych schodaŭ štataŭ. Hałasavańnie projdzie ŭ parłamiencie ŭ indyjskaj stalicy Deli i ŭ stalicach štataŭ i, jak čakajecca, zojmie 1,7 tys. hadzin.
Pasada prezidenta Indyi naminalnaja, ale mienavita jon vałodaje pravam vyrašyć, chto sfarmuje ŭrad, kali nacyjanalnyja vybary nie daduć vyraznych vynikaŭ.
