Rada Jeŭrapiejskaha sajuza ŭ paniadziełak zaćvierdziła časovyja handlovyja prefierencyi dla Ukrainy. Pra heta havorycca ŭ pres-relizie Rady ES, piša UP.
«Siońniašnim rašeńniem my dazvalajem ekspartavać bolš ukrainskich praduktaŭ u ES. Naš abaviazak — padtrymlivać Ukrainu i ŭmacoŭvać našy ekanamičnyja i palityčnyja suviazi taksama na fonie praciahłaha kanfliktu», — zajaviŭ Śvien Miksier, ministr zamiežnych spraŭ Estonii.
Paviedamlajecca, što miery ŭstupiać u siłu da kanca vieraśnia i buduć prymianiacca na praciahu troch hadoŭ.
Nahadajem, 4 lipienia Jeŭrapiejski parłamient padtrymaŭ prapanovu Jeŭrapiejskaj kamisii dać Ukrainie dadatkovyja handlovyja prefierencyi.
Prefierencyi buduć uviedzienyja na termin da troch hadoŭ u jakaści dadatku da Pahadnieńnia ab pahłyblenaj i ŭsioabdymnaj zonie svabodnaha handlu.
Va Ukrainie raźličvajuć na pačatak dziejańnia časovych aŭtanomnych handlovych prefierencyj Jeŭrapiejskaha sajuza dla Ukrainy vosieńniu.
