Ułady Šry-Łanki ŭvodziać poŭnuju zabaronu na impart, vytvorčaść i prodaž u krainie płastykavych pakietaŭ, upakoŭki, posudu i inšych pradmietaŭ adnarazovaha vykarystańnia z płastyku, paviedamlajuć infarmahienctvy sa spasyłkaj na hazietu Daily Mirror.

Čakajecca, što zabarona ŭstupić u siłu ŭžo z 1 vieraśnia 2017 hoda.

Pry hetym adnačasova z uviadzieńniem zabarony na płastykavyja tavary ŭ Šry-Łancy płanujuć pačać vypusk pradmietaŭ užytku z alternatyŭnych materyjałaŭ — papiery, tryśniahu, tkaniny, bijaraskładalnych płastmas. Kampanii, jakija buduć vyrablać dadzienuju pradukcyju, atrymajuć padatkovyja lhoty.

Płastykavaje śmiećcie, jakoje zastajecca paśla vykarystańnia ŭ śfiery hramadskaha charčavańnia i handlu, pryvodzić da zabrudžvańnia vostrava. Vialikaja kolkaść płastykavych pakietaŭ u haradskich ściokach i rekach pryviała da zastojvańnia vady, razmnažeńnia maskitaŭ, raspaŭsiudžvańnia malaryi i lichamanki denhie.

Клас
Панылы сорам
Ха-ха
Ого
Сумна
Абуральна