Čatyrochrazovy alimpijski čempijon pa bijatłonie Alaksandr Cichanaŭ ŭ niećviarozym stanie ŭvarvaŭsia ŭ chram u vioscy Ujskaje Čelabinskaj vobłaści (RF) i zabraŭ ikonu, jakuju sam ža padaryŭ u 2012 hodzie, piša Tribuna.
«Siońnia Cichanaŭ zabraŭ ikonu z chrama. Heta adbyvałasia pry mnostvie viernikaŭ. Pryjšoŭšy ŭ niećviarozym stanie, jon pačaŭ svaju pramovu z abrazaŭ nastajaciela.
Kali Cichanaŭ vychodziŭ z abrazom, jon nakinuŭsia na niepaŭnahadovuju dziaŭčynku, jakaja jaho sfatahrafavała. Jon pryčyniŭ joj bol, zryvajučy fotaaparat ź jaje šyi i šturchajučy jaje ŭsioj svajoj siłaj, a zatym zamachnuŭsia na jaje kułakom. Dziakujučy prychadžanam chrama, nie paśpieŭ jaje ŭdaryć, bo jany jaho spynili.
Ciapier my bačym, jaki ŭ nas na samaj spravie słavuty ziamlak. U suviazi z hetym, uźnikaje pytańnie, ci moža być hanarovym hramadzianinam rajona hety čałaviek, jaki padymaje ruku na dziaciej, i ci moža škoła nasić jaho imia?» — havorycca ŭ paviedamleńni chrama.
vk.com
