Niadaŭna pryznačany śpiecpradstaŭnik ZŠA pa Ukrainie vykazaŭsia za pastaŭku zbroi Kijevu, kab dapamahčy jamu spravicca z «pahrozami Moskvy». Pabyvaŭšy ŭ zonie kanfliktu, jon skazaŭ, što tam «haračaja vajna».
Śpiecyjalny pradstaŭnik Dziarždepartamienta ZŠA pa Ukrainie Kurt Vołkier u intervju Bi-bi-si zajaviŭ, što Vašynhton aktyŭna razhladaje pytańnie ab mahčymaj pastaŭcy zbroi Ukrainie.
Pavodle jaho słoŭ, pastaŭka ŭzbrajeńniaŭ ukrainskaj armii mahła b źmianić pavodziny Maskvy. «Abarončaje ŭzbrajeńnie, jakoje dazvoliła b Ukrainie abaranić siabie i, naprykład, vyvieści tanki, dapamahło b spynić Rasiju, jakaja pahražaje Ukrainie», - skazaŭ Vołkier.
Jon udakładniŭ, što, na jaho dumku, dadzieny krok nie budzie źjaŭlacca pravakacyjaj.
«Ja nie biarusia pradkazvać los hetaha rašeńnia [pa pastaŭkach zbroi], heta pytańnie - dla dalejšaha abmierkavańnia i pryniaćcia rašeńnia, ale ja dumaju, što arhumient pra toje, što heta budzie pravakacyjaj dla Rasii ci padbadziorvańniem Ukrainy, prosta tarmoziać hetaje rašeńnie», - dadaŭ jon.
Pavodle słovaŭ Vołkiera, damahčysia miru na ŭschodzie Ukrainy možna, jak jon vykazaŭsia, «novym stratehičnym dyjałoham z Rasijaj».
U minułyja vychodnyja Vołkier prybyŭ na Danbas. «Heta nie zamarožany kanflikt, a haračaja vajna. A cana niebiaśpiečna vysokaja - čałaviečyja žyćci », - skazaŭ jon.