26 kastryčnika ŭ Centralnym domie aficeraŭ upieršyniu adbudziecca kancert kamiernaha arkiestra teatra Džuzepe Vierdzi pad kiraŭnictvam dyryžora Fabrycya Fičura - śviata dla amataraŭ italjanskaj i suśvietnaj kłasiki.
Arkiestr teatra Džuzepe Vierdzi ŭ Tryjeście byŭ stvorany ŭ 1944 hodzie, a svaju ciapierašniuju nazvu atrymaŭ u 1961. U Minsk pryjedzie kamierny skład arkiestra - 15 čałaviek na čale z Fabrycya Fičuram, adnym z pryznanych italjanskich śpiecyjalistaŭ pa muzycy baroka. Jon ža źjaŭlajecca adnym z hałoŭnych prychilnikaŭ pašyreńnia repiertuaru za košt interpretacyi ŭ styli baroka tvoraŭ kampazitaraŭ 20 stahodździa.
Padčas kancertu prahučać tvory vialikich Antonia Vivaldzi, Džaakina Rasini, Džakama Pučyni, Piatra Čajkoŭskaha, a taksama sučasnych kampazitaraŭ Astara Pjaccoły, Biendžamina Brytena i Leroja Andersana.
