U Kastryčnickim sudzie Mahilova pačaŭsia razhlad spravy traich rabotnikaŭ morha, jakija abvinavačvajucca ŭ padmanie bolš za sto čałaviek i niezakonnym atrymańni sumy, jakaja pieravyšaje 5700 rubloŭ. Pra heta BIEŁTA paviedamili ŭ Mahiloŭskim abłasnym sudzie.
Zhodna z vystaŭlenym abvinavačańniem, rabotniki RUP «Biełsudekśpiertzabieśpiačeńnie», jaki znachodzicca pry Mahiloŭskaj balnicy №1, u mai-lipieni 2016 hoda šmatkroć zavyšali patrabavańni za apłatu pasłuh pa padrychtoŭcy cieł niabožčykaŭ da pachavańnia, karystajučysia ciažkim psichałahičnym stanam svajakoŭ pamierłych. Padsudnyja brali hrošy, pry hetym nie padpisvali aficyjnych damovaŭ, nie vydavali čekaŭ. Časam apłata mahła być bolš za vyznačanauju prejskurantam u piać-šeść razoŭ. U toj ža čas pad damovami, jakija nichto z klijentaŭ nie bačyŭ, stavilisia falsifikavanyja podpisy.
Śledstva padčas pravierak vyjaviła 101 paciarpiełaha. Siońnia sud zasłuchaŭ pakazańni bolš jak dziesiaci ź ich. Abvinavačanyja nie admaŭlali svajoj viny i vykazvali hatoŭnaść viarnuć svajakam pamierłych niezakonna atrymanyja hrošy.
Razhlad spravy praciahniecca 26 lipienia.
