Čempijon Biełarusi barysaŭski BATE praciahvaje baraćbu za trapleńnie ŭ hrupavy etap Lihi čempijonaŭ. U trecim kvalifikacyjnym raŭndzie supiernikam našaha kłuba stała pražskaja Słavija». Bukmiekiery bačyli vidavočnym favarytam hulni čechaŭ, jakija hulali doma.
Klučavy momant hulni adbyŭsia na 18-aj chvilinie, kali Jaŭhien Jabłonski ŭ svajoj štrafnoj parušyŭ praviły. Niamiecki sudździa Dankiert byŭ vielmi suvory — pienalci + čyrvonaja kartka Jabłonskamu. Miłan Škoda prabiŭ pa centry varot, ale dakładna — 1:0.
Paśla hetaha barysaŭskamu kłubu daviałosia pierabudoŭvacca. Pajšli zamieny. Viadoma, što hulać u mienšaści nie tak prosta, jak u roŭnych składach.
Dvojčy hulcy «Słavii» bili ŭ štanhi, jašče niekalki razoŭ bliskučuju reakcyju prajaviŭ bramnik našaha kłuba Ščarbicki.
Ahułam kolkaść udaraŭ pa varotach 13:1 na karyść češskaha kłuba. Z momantaŭ u barysaŭcaŭ možna ŭspomnić chiba tolki ŭdar sa štrafnoha ad Ihara Stasieviča, i choć zaduma była niakiepskaja, ale vykanańnie padviało.
Možna skazać, što BATE navat pašancavała, što hulnia skončyłasia ŭsiaho tolki minimalnaj pieravahaj «Słavii» - 1:0. Praz tydzień u Barysavie naš kłub jašče budzie mieć niekatoryja šancy na praciah baraćby.