Takaja infarmacyja raźmieščanaja na sajcie UUS Minabłvykankama.

Pieršyja zajavy pra vykradańnie cialataŭ pastupili ad kiraŭnikoŭ haspadarak jašče viasnoj. U złačynnaj hieahrafii byli cialatniki Maładziečanskaha, Ašmianskaha i Vilejskaha rajonaŭ. U červieni try kradziažy adbylisia na fiermach pad Vałožynam.

Jak adznačajuć u UUS, kožnaje złačynstva staranna płanavałasia. Dniom złamyśniki jeździli pa vioskach u pošukach cialatnika z zahonami pad adkrytym niebam i pablizu lesu. A ŭnačy krali žyvioł. Adbirali vyklučna maładych. Ich vyrazki pasiaredniki pastaŭlali ŭ restarany.

«Apieratyŭniki vyśvietlili, što kradziažom žyvioły na terytoryi vobłaści zajmajucca troje žycharoŭ Maładziečanskaha rajona va ŭzroście 29, 31 i 49 hadoŭ. Ich zatrymali pa darozie ź Minska, dzie jany zbyli čarhovuju partyju jałavičyny.

Aproč staličnych paviljonaŭ pradukcyja pradavałasia jašče i na miascovym rynku. Z-za zanižanaj cany ŭ padazravanych kuplali tavar, nie patrabujučy na jaho adpaviednych dakumientaŭ», — raspaviali va ŭpraŭleńni kryminalnaha vyšuku UUS Minabłvykankama.

Adzin sa złamyśnikaŭ užo byŭ asudžany za anałahičnyja złačynstvy, druhi raniej aficyjna zajmaŭsia skupkaj miasa ŭ nasielnictva i jaho pieraprodažam, tamu złačynny promysieł kryminalnaha trya niekatory čas zastavaŭsia nieraskrytym i prynosiŭ prybytak.

Tolki ŭ Vałožynskim rajonie naniesieny ŭron zvyš Br3,7 tys. Dakazany siem epizodaŭ złačynnaj dziejnaści. Raspačataja kryminalnaja sprava.

Клас
0
Панылы сорам
0
Ха-ха
0
Ого
0
Сумна
0
Абуральна
0