Zdymki dziciačaha pryhodnickaha filma pačynajucca siońnia na Nacyjanalnaj kinastudyi «Biełaruśfilm», paviedamlaje BiełTA.
Pracuje nad karcinaj režysior Ihar Čaćvierykoŭ. «Aŭdytoryja, na jakuju my raźličvajem, — 12—14 hadoŭ. Hetaha ž uzrostu buduć i hałoŭnyja hieroi. Tema pavinna znajści vodhuk u sučasnych padletkaŭ, pakolki hałoŭnyja hieroi — kamanda hiejmieraŭ, jakija hulajuć u World of Tanks. Ich mara — stać krutoj kamandaj, trapić na mižnarodnyja spabornictvy. Ale historyja nie pra kampjutary, a pra realnyja pryhody», — raspavioŭ režysior.
Nazva filma prapracoŭvajecca. Uvieś siužet aŭtary nie paviedamlajuć. Režysior vyrašyŭ pajści pa šlachu suśvietnaha kino i źniać žanravy film. Dzieci i padletki va ŭsie časy lubili pryhodnickaje kino, pošuki skarbaŭ. Pry hetym aŭtary majuć namier vyklikać cikavaść u padletkaŭ da biełaruskaj historyi. A heta značyć, što ŭ karcinie budzie adsyłka ŭ minułaje. Ale šukać histaryčnaj praŭdy nie varta — takoj mety ni režysior, ni aŭtar scenaryja Valancin Załužny nie stavili.
Usie hałoŭnyja roli vykonvajuć padletki. Z darosłych akcioraŭ najbolš prykmietnyja roli ŭ Siarhieja Čekieresa, Valanciny Harcujevaj, Kanstancina Michalenki i Alaksandra Aŭčyńnikava.
