Horadzienski biskup Alaksandar Kaškievič rasparadziŭsia źbirać srodki na budaŭnictva novaj kaplicy ŭ Kluščanach Astravieckaha rajonu, jakuju pabudujuć na miescy zharełaha kaścioła Śviatoha Jaŭchima, dzie niekali słužyŭ paet Kazimier Svajak.
Draŭlany kaścioł byŭ pabudavany ŭ 1726 hodzie i dziejničaŭ da 1948 hodu, kali jaho zakryła savieckaja ŭłada. U 1990-ch kaścioł viarnuli viernikam.
U kaściole ŭ Kluščanach nios słužeńnie ksiondz Kanstancin (Kanstanty) Stapovič (paetyčny pseŭdanim — Kazimier Svajak). Tut u 1915 hodzie jon pramoviŭ adno ź pieršych svaich kazańniaŭ pa-biełarusku.
U kluščanskaj parafii Kazimier Svajak arhanizavaŭ chor, u jakim hraŭ na skrypcy i śpiavaŭ. Taksama dziakujučy namahańniam śviatara ŭ navakolli byli arhanizavanyja niekalki škołaŭ ź biełaruskaj movaj navučańnia.
Achviaravańni buduć źbiracca va ŭsioj Horadzienskaj dyjacezii ŭ niadzielu, 6 žniŭnia.
«Ad imia kluščanskich viernikaŭ źviartajusia da vas z prośbaj być salidarnymi i sabrać achviaravańni na budaŭnictva kaplicy, jakaja pavinna źjavicca na miescy stračanaha kaścioła», — zaachvočvaje viernikaŭ i ŭsich nieabyjakavych ludziej biskup Alaksandar Kaškievič.
Čytajcie taksama:
U Astravieckim rajonie zhareŭ kaścioł XVIII stahodździa, u jakim słužyŭ paet Kazimir Svajak
