Prezident ZŠA Donald Tramp abviaściŭ, što transhiendaram zabaroniać słužyć va Uzbrojenych siłach u luboj jakaści. Takoje rašeńnie jon pryniaŭ paśla kansultacyj z hienierałami i vajennymi ekśpiertami, piša Mieduza.
«Naša armija pavinna zasiarodzicca na rašučaj i pieravažnaj pieramozie, a nie zajmacca vializnymi miedycynskimi vydatkami i inšymi pieraškodami, jakija ciahnuć za saboj vajskoŭcy-transhiendary. Dziakuj», — napisaŭ Tramp.
Zabarona na słužbu transhiendaraŭ ŭ armii ZŠA była źniataja 30 červienia 2016 hoda paśla šmathadovych debataŭ. Z kastryčnika ich pačali prymać na słužbu, a taksama pravodzić apieracyi pa źmienie połu. Pientahon z taho času zajmaŭsia pravierkaj upłyvu transhiendaraŭ ŭ armii na bojehatoŭnaść Uzbrojenych sił.
Paśla źniaćcia zabarony praceduru pa źmienie połu pačali kala 250 vajskoŭcaŭ. Ahulnaja kolkaść transhiendaraŭ u amierykanskich vojskach aceńvajuć u 2500-7000 čałaviek.
Raniej Tramp užo admianiŭ zahad svajho papiarednika Baraka Abamy, jaki dazvalaŭ transhiendaram karystacca ŭ škołach prybiralniami, adpaviednymi ich hiendarnaj identyčnaści.
