Pra heta paviedamiŭ siońnia na pres-kanfierencyi načalnik Biełhidramieta Viktar Mielnik, pieradaje BIEŁTA.
«U Biełarusi z 1989 hoda siaredniaja šmathadovaja tempieratura pavietra ŭ paraŭnańni z klimatyčnaj normaj pavialičyłasia na 1,3 hradusa, i heta davoli značnaje pavieličeńnie», — skazaŭ jon.
Pavodle jaho słoŭ, heta śviedčyć ab źmienach klimatu. Šerah daśledavańniaŭ pakazaŭ, što na poŭdni krainy źjaviłasia novaja ahraklimatyčnaja vobłaść, što dało mahčymaść vyroščvać novyja sielskahaspadarčyja kultury. U jakaści prykładaŭ Viktar Mielnik pryvioŭ vyroščvańnie soi, a taksama vinahradniki na pramysłovaj asnovie.
«Ciapier toj pieryjad, kali klimat mianiajecca, pryčym u bok paciapleńnia, i pakul hety praces praciahvajecca. Dalejšyja prahnozy raznastajnyja, adnak navukoŭcy pradkazvajuć, što da kanca ciapierašniaha stahodździa takaja tendencyja zachavajecca», — skazaŭ Mielnik.
