U centry Maskvy, u rajonie stancyi mietro «Kitaj-horad», ustalavali manumient Ivanu Žachlivamu.

Skulptura va ŭvieś rost staić pierad Alejaj pravicielaŭ u skviery ŭ Pietraviaryhskim zavułku, dzie ŭžo ŭstalavanyja biusty 33 kiraŭnikoŭ Rasijskaj dziaržavy ŭ vykanańni Zuraba Cereteli. U ich liku ŭžo byŭ i biust Ivana Hroznaha, piša rbc.ru.

Novy pomnik stvaryŭ skulptar Vasil Sielivanaŭ. Pieršapačatkova jaho pavinny byli pastavić u horadzie Alaksandravie (Uładzimirskaja vobłaść), jaki vyras na miescy Alaksandraŭskaj słabady, kudy car ŭ 1564 hodzie pajšoŭ z Maskvy na čas apryčniny. Adnak raźviazałasia burlivaja hramadskaja dyskusija, adkryćcio niekalki razoŭ pieranosili, a adzin raz pomnik navat prybrali praź niejki čas paśla ŭstalavańnia. U rešcie rešt miascovyja ŭłady admovilisia ad skulptury.

Da siońniašniaha dnia adziny ŭ Rasii pomnik Ivanu Žachlivamu stajaŭ u Arle, dzie vakoł jaho ŭstalavańnia taksama razharełasia dyskusija. Praciŭniki vystupali suprać «kananizacyi» cara, pakazvajučy, što ŭ hady jaho kiravańnia byli zabityja dziasiatki tysiač ludziej, spaleny i razrabavanyja dziasiatki haradoŭ, u tym liku Vialiki Noŭharad, a Ruskaja dziaržava prajhrała darahuju Livonskuju vajnu.

Клас
0
Панылы сорам
0
Ха-ха
0
Ого
0
Сумна
0
Абуральна
0