«Ja pierastaŭ pierajmacca nakont taho, što ŭsie maje pieražyvańni adrazu zaŭvažny na tvary. Artyst nie moža być artystam, kali jon nie pieražyvaje pačućci i nie pravakuje emocyi, — havoryć muzykant, pradusar, lidar hurta «Pałac» Aleh Chamienka. — U mianie jość lekcyja pa vykarystańni emacyjnaha kantentu ŭ šou-biznesie, dzie jość dakładnaje apisańnie kala 100 roznych čałaviečych emocyj».

Paśla emacyjnaj fotasiesii ad Taćciany Mienskaj muzyka ahučyŭ nastroj i emocyi ŭłasnych fotapartretaŭ. I voś što atrymałasia…

Ni razu nie mača 

Mača? Nie, ja nie liču siabie mača. Mianie navat razdražniaje, kali idzie havorka pra niejkich tam mača.

Raniej mnie padabałasia, jak ja vyhladaŭ: y svaje 18 ja byŭ prosta «zajčykam», hladzi! Nu, nie skazaŭ by, što ja nie simpatyčny.

A ŭ svaje 27 mieŭ užo doŭhija vałasy, adkryty łob, kvadratnaje padbarodździe, karaciej — artyst.

Doŭhija vałasy

U 80-ja doŭhija vałasy ličylisia atrybutam pratestu — heta było modna. Zaraz ja nie pratestuju. Prosta tak mnie sapraŭdy kamfortna.

Darečy, čamu śviatary zaŭsiedy majuć doŭhija vałasy? Čamu čaradziejaŭ my ŭjaŭlajem tolki z doŭhimi vałasami? Dziela čaho abrazajuć vałasy tym, chto idzie ŭ armiju, kaho sadziać u turmy? Kab nie było vošaj? Śmiech! Dziaŭčynie, jakaja vychodzić zamuž, taksama raniej padrazali vałasy. Vy zadumvalisia čamu?

Dla mianie adkaz vidavočny: doŭhi vołas daje mahčymaść zachavać ułasnuju charyzmu i dapamahaje tranślavać ułasny ŭpłyŭ.

Heta nie abarona siabie ad niejkich tam enierhij, a mažliva, naadvarot, napad. Bo vałasy ŭ čałavieka — heta svojeasablivyja anteny, jakija ŭzmacniajuć jaho ŭpłyŭ na inšych. Čałaviek, vyhaleny nałysa, stračvaje svaju indyvidualnaść. I ja nie chłušu, kali kažu, što pastryžanym adčuvaju siabie zvyčajnym šerahoŭcam ci sałdatam.

Nie stryhusia koratka z 22 hadoŭ, jak pryjšoŭ z vojska.

Charyzma, žančyny i IQ

Charyzma padabajecca ludziam, i, biezumoŭna, pryciahvaje.

Seksualnaść mužčyny mocna źviazana ź intelektam i mahčymaściami, u tym liku i z tymi, što daje ŭłada. Žyćcio pakazvaje, što mužčyny, jakija majuć uładu, niejak mahična pryciahvajuć uvahu žančyn. I camyja razumnyja dzieŭki, kali bačać vialikaha načalnika, niejak hublajucca, pavodziać sabie strymana i scipła.

Ja złaviŭ siabie na tym, što mnie padabajucca śvietłavałosyja žančyny biełamora-bałtyjskaha antrapałahičnaha typu i, biezumoŭna, sarmatki. Na žal, žančyn nie malavali na sarmackich partretach.

Chm, kali IQ žančyny zvyš 145, ja… hublajusia, stanaŭlusia strymanym i scipłym. Možacie dumać, što heta panty, ale mnie padabajucca razumnyja žančyny — lublu vydatnic. A kali jany jašče i pryhožyja… Ema Uotsan, Šeran Stoŭn, Šerliz Teron. Darečy, Natali Portman maje navukovuju stupień. I heta kruta.

Psichoz i naściarožanaść 

«Žyć treba ŭ niebiaśpiecy», — kazaŭ Nicše. I heta stanoŭčy bok paranaidalnaha stanu.

Paranoja zvyčajna pačynajecca ŭ stałym uzroście, i dla jaje charakterna pastupovaje raźvićcie łahična pabudavanych, monatematyčnych sistematyzavanych zvyškaštoŭnych idej.

I hety «chraničny psichoz», biezumoŭna, u mianie jość, — žartuje Aleh, — ale mnie zdajecca, ja jaho kantraluju.

Kazki i emocyi

Ja nie taki ŭžo i dobry kazačnik. Chacia kazki baju davoli časta. Dyk voś raskažu vam «strašnuju kazačku», darahija dzietački…

Usia sučasnaja zabaŭlalnaja industryja padparadkavana mecie kiravańnia emocyjami ludziej i supolnaściej. Tolki takim čynam ciapier možna zdabyvać hrošy sistemna i doŭhaterminova. A mastactva i kultura zajmajucca arhanizacyjaj prastory dla pačućciaŭ i emocyj. Toj, chto zdoleje rastłumačyć miechanizmy ŭzajemadziejańnia emocyj i pačućciaŭ, napeŭna, zdoleje rastłumačyć bolšaść tych pracesaŭ, jakija nas čakajuć u XXI stahoddzi. Prablema sučasnaha suśvietu ŭ tym, što ludzi pačali pryciskać emocyi albo žyć tolki emocyjami, biez refleksii, nie ŭśviedamlajučy ich, a heta jość pramaja pahroza psichičnamu stanu. Terakty, vojny ździajśniajucca ŭ zambavanym stanie emacyjnaha afiektu.

Chitraść i mudraść 

Chitraść — mudraść raba. U biełaruskim falkłory šmat kazak, dzie abchitryć pana ličycca ledź nie podźviham. Upeŭnieny ŭ siabie čałaviek nie maje nieabchodnaści chitryć. Bo mudraść — heta zdolnaść čałaviečaha rozumu. Mudrasci dajecca zvyš abo zusim nie dajecca. Dyk voś, chitraść — vymušanaja padmiena toj samaj zdolnaści, jakaja nie była dadziena čałavieku zvyš…

Ja, kali niejkija chitryki ździajśniaju, vydatna razumieju — mudrasci nie staje…

Demanizm

Uvohule, toje, što my zaviom «duch», hreki nazyvali «deman», abo «dajman». Potym ŭ mifałohii tak nazvali dobrych i drennych istot, apiakunoŭ pradmietaŭ i źjavaŭ.

Płaton nazyvaŭ «dajmanam» «unutrany hołas» čałavieka — sumleńnie. A rymlanie demanam nazyvali taho, kaho my ciapier zaviom «hienij».

Pieršyja chryścijanie ličyli «anioła-achoŭnika» taksama dajmanam. A ŭžo paśla «deman» staŭ sinonimam słova «bies» u słavian.

A voś u anhła-saksoncaŭ pry pierakładzie z łacinskaj Biblii deman staŭ djabłam. Dla mnie «demany» — heta ŭsio roŭna «pahanskija bahi».

Radaść

Samaja składanaja emocyja — emocyja radaści.

Źniešnija prajavy hetaj emocyi vielmi roznyja — ad žachu da ździŭleńnia. Čas ad času jaje paprostu niemahčyma identyfikavać. Čałaviek śmiajecca. Jon radujecca? A voś ad ščyraj radaści ludzi mohuć i płakać.

Dla mianie bolš ułaściva ejfaryja, adčuvańnie niejkaj imhniennaj ščaślivaści, z taho, što usio atrymałasia niečakana dobra. I z hetaha ciabie achoplivaje niejki ŭźniosły nastroj. Moža, heta radaść? Mahčyma, radaść ja adčuvaju, kali stomleny kładusia spać.

Padčapić znajomych, spravakavać kahości, paharezić ja lublu. Siabry viedajuć heta i darujuć. I mianie padčeplivajuć, choć ja sam reahuju na heta razdražniona, ledź nie sa złościu. Vielmi cmiešna byvaje, a byvaje i radasna.

Šrekaŭski kocik

Maja ekstraviertnaść całkam naihranaja… Kab pakazacca na ccenie ščyrym ekctraviertam, mnie treba tydzień być intraviertam. Kab addać enierhiju, treba peŭny čas być jak akumulatarčyk.

Doma, na studyi mnie byvaje vielmi kamfortna sam-nasam. Ale ŭ takim stanie znachodzicca doŭhi čas, napeŭna, nielha, i ja prymušaju siabie padzialicca enierhijaj..

Daravać pryjdziecca ŭsio

Ni ŭ jakim razie ničoha nie treba zabyvać. Ale abaviazkova treba daravać usie kryŭdy navat złačyncam i zabojcam, usim biez vyklučeńnia. Inšaja sprava, što dla taho, kab ščyra daravać złačynstva, patrebna vielmi šmat času. Mahčyma, usio žyćcio.

Daravać treba vučycca. Kali ty usio pamiataješ, viedaješ, adčuvaješ, razumieješ, tady i možaš daravać ščyra. Tolki tak možna spynić tyja niehatyŭnyja enierhii, jakija zaraz łunajuć paŭsiul.

Čałaviek

Tolki ŭ asiarodździ ludziej čałaviek robicca čałaviekam. Čałaviek, jaki ŭ malenstvie trapiŭ u zhraju vaŭkoŭ, sabak ci małpaŭ, užo nikoli nie stanie čałaviekam. U psichałohii heta zaviecca «sindrom Maŭhli».

Čamu va ŭsich lehiendach usich narodaŭ idzie razmova, što daŭnym-daŭno ludzi žyli siarod bahoŭ? I voś maci zdziŭlajecca, adkul u jaje dziciaci hetaja rysa ci hety navyk. Vibracyi, pachi, huki, lubyja antrapahiennyja enierhii — usio navakoł upłyvaje na toje, što robić čałavieka čałaviekam. Tamu hałoŭnaja ideja ŭ ačałaviečvanni ludziej advodzicca socyumu, jakaść jakoha farmujuć kultura i tradycyi.

Arhanizacyja našaha socyumu — heta i jość ład žyćcia.

Darečy, nichto nie harantuje, što praź niekalki tysiačahodździaŭ sabaki nie pačnuć razmaŭlać. A potym u svaich lehiendach napišuć, što žyli pobač z bahami…

Dali ŭdali

Na hetym fota ja padobny da Salvadora Dali? Niešta padobnaje na jaho karciny mnie sapraŭdy sniłasia. Dali kazaŭ: «Nienarmalny toj, chto nie razumieje majho žyvapisu».

Tak što ja… całkam narmalny. A kali aktualna pierajnačyć: «Nienarmalny toj, chto nie razumieje našych tradycyj i ładu žyćcia». Nu i majho falkłoru, — usmichajecca Aleh.

Клас
1
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?