Eks-pieršaja rakietka śvietu biełaruska Viktoryja Azaranka źniałasia z turniru sieryi «Premjer» u amierykanskim Stenfardzie, jaki projdzie 31 lipienia — 6 žniŭnia, piša Tut.by.

Jak paviedamlajecca na staroncy fan-hrupy tenisistki va «UKantakcie», pryčynaj admovy ad vystupu stała virusnaja infiekcyja.

«Mnie vielmi sumna, što ja nie zmahu zhulać na turniry ŭ Stenfardzie na nastupnym tydni. Na praciahu ŭsiaho tydnia ja adčuvaju niedamahańnie z-za virusnaj infiekcyi. Adzin z najlepšych turniraŭ siezonu, jaki ja vymušanaja prapuścić, byŭ adznačany ŭ maim kalendary ź pieršaha dnia, kali ja vyrašyła viarnucca ŭ vialiki tenis paśla naradžeńnia syna Lea. Mnie vielmi sumna, što ja nie zmahu zhulać pierad svaimi zaŭziatarami ŭ Stenfardzie. Spadziajusia viarnucca ŭ nastupnym hodzie», — napisała Viktoryja Azaranka.

Nastupny turnir, na jaki Viktoryja Azaranka zajaŭlenaja, — turnir u Cyncynaci, jaki startuje 14 žniŭnia.

Viktoryja Azaranka taksama značycca siarod udzielnic, jakija atrymali dopusk u asnoŭnuju sietku žanočaha adzinočnaha razradu US Open — zaklučnaha ŭ siezonie turniru «Vialikaha šlema». Viktoryja Azaranka, jakaja viarnułasia na kort paśla naradžeńnia syna, atrymała zaprašeńnie ŭ asnoŭnuju sietku dziakujučy abaronienamu rejtynhu.

Клас
0
Панылы сорам
0
Ха-ха
0
Ого
0
Сумна
0
Абуральна
0