Niamiecki miaśnik Pieter Kłasien vypuścić na rynak napoi ź miasa, paviedamlaje Die Welt.
dpa
Pradukt pastupić u prodaž u vieraśni ŭ Hiermanii. Pa słovach Kłasiena, jon užo zaklučyŭ damovy z vytvorcami ŭ Luksiemburhu, Bielhii i Francyi.
«My nazirajem vialikuju cikavaść. Ničoha padobnaha jašče nie isnuje», — adznačyŭ miaśnik, dadaŭšy, što padaŭ zajaŭki na mižnarodny patent.
Na dadzieny momant Kłasien raspracavaŭ liniejku z troch smakaŭ: «Stejk», «Bambiejskaja jałavičyna» i «Karaleŭskaja kuryca». Kab pryhatavać napoj, miasa z harodninaj varać u bulonie i zdrabniajuć u piure da kansistencyi kakavy. Paśla hetaha vadkaść rasfasoŭvajuć pa butelkach i sterylizujuć.
Pa słovach 55-hadovaha miaśnika, takim čynam astudžany napoj možna zachoŭvać hod. Jon taksama ličyć, što atrymanuju substancyju zručna vykarystoŭvać dla patreb armii i humanitarnaj dapamohi.
Recept Kłasien razam sa svaim synam Filipam i povaram Štefanam Kimielem raspracoŭvaŭ na praciahu troch hadoŭ. «Budzie šmat prychilnikaŭ, ale hetak ža šmat budzie praciŭnikaŭ, jakija paličać ahidnaj ideju pić miasa», — ličyć miaśnik.
