Darožna-transpartnaje zdareńnie sa śmiarotnym zychodam adbyłosia ŭ Babrujsku pry sutyknieńni lehkavoha aŭtamabila Audi 80 i hruzavoha ciahnika, piša BiełTA.
Tut i nižej fota: vk.com/podslushano_bobruisk
DTZ adbyłosia siońnia prykładna ŭ 3.50 na čyhunačnym pierajeździe na vulicy 50 hadoŭ VŁKSM. Aŭtamabil pad kiravańniem mužčyny 1992 hoda naradžeńnia ruchaŭsia z boku mikrarajona Uschodni ŭ kirunku vuł. Rakasoŭskaha i sutyknuŭsia z hruzavym sastavam. Mašyna vyjechała na pierajezd u momant, kali pa im užo išoŭ ciahnik. U vyniku ŭdaru kiroŭca Audi zahinuŭ na miescy.
Adznačajecca, što pierajezd nie abstalavany śvietłavoj i hukavoj sihnalizacyjaj, prajeznaja častka była mokraj paśla daždžu. Mašynist paśla rastłumačyŭ, što pačuŭšy mocny ŭdar, prymianiŭ ekstrannaje tarmažeńnie.
Supracoŭniki MNS debłakavali cieła zahinułaha. Pravierku pa fakcie DTZ pravodziać śledčyja orhany.
Čyhunačnaja vietka, jakaja pierasiakaje vuł. 50 hadoŭ VŁKSM, źjaŭlajecca pramysłovaj. Ruch ciahnikoŭ praz hety pierajezd nosić epizadyčny charaktar.
