Žachlivaje zdareńnie adbyłosia 30 lipienia ŭ Homieli, paviedamlaje sajt MUS.

Raniej sudzimy 29-hadovy pjany mužčyna pasvaryŭsia ź siamjoj. Jon pačaŭ pahražać, što razburyć dom. Mužčyna sieŭ za styrno hruzavika «Ivieka» i pačaŭ taranić varoty padvorka. Žonka mužčyny i jaho syn u hety momant znachodzilisia na vulicy.

 

«Paśla niekalkich sprob padazravany źbiŭ varoty i praciahnuŭ ruch. U vyniku čatyrochhadovy syn byŭ śmiarotna traŭmavany aŭtamabilem i elemientami mietałakanstrukcyj, a jaho žonka atrymała cialesnyja paškodžańni», - paviedamlajuć śledčyja.

35-hadovaja žonka z čerapna-mazhavoj traŭmaj źmieščana ŭ balnicu.

Mužčynu zatrymali. 

Zaviedzienaja kryminalnaja sprava, padazravanamu za naŭmysnaje zabojstva moža pahražać až da rasstrełu.

Клас
0
Панылы сорам
0
Ха-ха
0
Ого
0
Сумна
0
Абуральна
0