Praz ahienctvy nieruchomaści zdajecca ŭ doŭhaterminovuju arendu katedž na Siomkaŭskim zavułku. Heta Drazdy-2 — elitny kvartał na ŭskrajku Minska, dzie žyvuć čynoŭniki i biznesmieny.

Jak stała viadoma «Našaj Nivie», svoj dom prapanuje bahatym najmalnikam siamja sierbskich biznesmienaŭ Karyčaŭ. U Biełarusi jany budujuć niekalki viadomych žyllovych i ofisnych kompleksaŭ nakštałt «Majak Minska» (kvartał za Nacyjanalnaj biblijatekaj) i «Minsk-Śviet» (na miescy źniesienaha aeraporta).

Učastak Karyčaŭ u Drazdach-2, u adroźnieńni ad susiednich, byŭ nie vydadzieny biaspłatna rašeńniem Minharvykankama, a nabyty za $8 tysiač.

Ciapier ža haspadary sprabujuć zdać svoj dom płoščaj 627 m2 za 6000 jeŭra na miesiac.

fota Siarhieja Hudzilina.

fota Siarhieja Hudzilina.

«Žyłaja płošča doma ŭklučaje ŭ siabie čatyry spalni na druhim paviersie, haścinuju (76,56 m2) i dva kabiniety (11 m2 i 24 m2) na pieršym paviersie. Kožnaja spalnia maje asobny sanvuzieł i harderobnuju. Na druhim paviersie dźvie krytyja terasy (34,88 m2 i 42,72 m2) i bałkon 9,66 m2. U padvale raźmieščana sauna, pakoj adpačynku, trenažornaja zała. U padvalnych pamiaškańniach jość vokny, što dazvalaje traplać tudy dzionnamu śviatłu. U domie vykanany śviežy jakasny ramont. U azdableńni vykarystoŭvalisia darahija impartnyja budaŭničyja materyjały. Azdableńnie vykanana pa prajektach vysokakvalifikavanych dyzajnieraŭ. Častkova z meblaj. Učastak dobraŭparadkavany. Hazon. Dekaratyŭny chmyźniak. Darožki i padjazny šlach da haraža vybrukavany tratuarnaj plitkaj. Na ŭčastku jość letni domik dla barbiekiu. Padśviatleńnie», — havorycca ŭ abjavie.

Piać faktaŭ pra miljardera Bahaluba Karyča, ź jakim sustrakaŭsia Łukašenka

Drazdy №2: poŭny śpis čynoŭnikaŭ, jakim razdali ziamli na $10 miljonaŭ

Ad Abielskaj da Jarmošynaj: 112 uładalnikaŭ katedžaŭ u Drazdach, poŭny śpis

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?