Upraŭleńnie Śledčaha kamiteta pa Viciebskaj vobłaści zaviaršyła rasśledavańnie kryminalnaj spravy pa abvinavačańni dvuch žycharoŭ Viciebska ŭ sieryi karyślivych złačynstvaŭ, paviedamiła BiełTA aficyjny pradstaŭnik USK pa Viciebskaj vobłaści Śviatłana Sacharava.

Śledstva vyśvietliła, što 39-hadovaja žycharka abłasnoha centra razam z 32-hadovym sužycielem sa studzienia pa červień 2016 hoda, pierasoŭvajučysia na aŭtamabili ŭ Viciebskim, Loźnienskim i Ušackim rajonach, vykrali z dačnych damoŭ i prysiadzibnych učastkaŭ majomaść 15 čałaviek. «Abvinavačanych cikavili jalinki, tui, jadłoviec i inšyja raśliny, jakija jany vykopvali z dvaroŭ paciarpiełych, a taksama motabłoki, elektrainstrumienty, radyjatary, vadzianyja pompy, rybałoŭnyja prynaležnaści, budaŭničyja materyjały, śpirtnyja napoi, rovary, łaźnievyja prynaležnaści i inšaje majomaść», - skazała Śviatłana Sacharava.

Akramia taho, vosieńniu 2015 hoda žančyna samastojna vykapała i vykrała 7 tuj i 2 jalinki koštam bolš jak Br700 z dačnaha ŭčastka ŭ Loźnienskim rajonie. Ahulnaja suma, u jakuju aceńvajecca vykradzienaja majomaść, pieravysiła Br9,3 tys. «Častka majomaści ŭ dalejšym była imi realizavana, u tym liku praź internet. Častka vykradzienaha kanfiskavana padčas pieratrusaŭ u pryvatnym domie i prydvarovych terytoryi pa miescy žycharstva abvinavačanych u Viciebsku i viernuta paciarpiełym «, - dadała aficyjny pradstaŭnik USK.

Śledčyja vystavili fihurantam abvinavačvańnie. Mužčynu, jaki byŭ raniej 5 razoŭ asudžany za kradziažy, pakinuli pad vartaj. Žančynu, u jakojna ŭtrymańni małoje dzicia, vypuścili pad padpisku. Kab kampiensavać škodu, pryčynienuju paciarpiełym, na majomaść abvinavačanaj nakłali aryšt.

Клас
0
Панылы сорам
0
Ха-ха
0
Ого
0
Сумна
0
Абуральна
0