Palicyjanty zatrymali pad Kijevam daradcu pasła RF va Ukrainie Rusłana Trabunskaha, paśla pravierki jaho adpuścili, zajaviŭ u paniadziełak pres-sakratar Nacyjanalnaj palicyi Ukrainy Jarasłaŭ Trakała, jaki śćviardžaje, što dypłamat byŭ niećviarozy.

«Učora kala 23.00 na Charkaŭskaj šašy supracoŭniki palicyi spynili aŭtamabil na dypłamatyčnych numarach, za rulom jakoha znachodziŭsia hramadzianin RF, u dalejšym jon pradjaviŭ dypłamatyčnuju kartu daradcy pasła RF va Ukrainie … U čas razmovy inśpiektary patrulnaj palicyi vyjavili ŭ kiroŭcy vidavočnyja prykmiety ałkaholnaha apjanieńnia», - skazaŭ Trakała ŭ efiry telekanała «112.Ukraina».

Pavodle jaho słoŭ, zatrymany admoviŭsia prachodzić test na ałkahol, zamknuŭsia ŭ mašynie i vyklikaŭ na miesca padziej inšaha pradstaŭnika konsulstva, jaki sieŭ za rul aŭtamabila, i jany źjechali.

Trakała paviedamiŭ, što palicyja nie mahła kanfiskavać aŭtamabil i zabrać pravy, bo zatrymany karystajecca dypłamatyčnym imunitetam. U toj ža čas pravaachoŭniki skłali rapart pra incydent, jaki budzie nakiravany ŭ MZS Ukrainy dla infarmavańnia pa dypłamatyčnych kanałach rasiejskaha boku.

Клас
0
Панылы сорам
0
Ха-ха
0
Ого
0
Сумна
0
Абуральна
0