U Nacyjanalnym aeraporcie Minsk zatrymali hramadzianina Litvy, kiraŭnika internacyjanalnaj hrupy kantrabandystaŭ. Takaja infarmacyja raźmieščana na sajcie MUS Biełarusi.

Zatrymany litoviec byŭ uviečary 28 lipienia supracoŭnikami staličnaha AUS na pavietranym transparcie. Pa słovach načalnika Nacyjanalnaha centralnaha biuro Interpoła ŭ Biełarusi Alaksandra Piatrana, na radzimie mužčynu šukali za kantrabandu, piša BiełTA.

«Pavodle infarmacyi Nacyjanalnaha centralnaha biuro Interpoła ŭ Litvie, zatrymany kiravaŭ arhanizavanaj złačynnaj hrupaj ź liku biełaruskich, łatvijskich i rasijskich hramadzian, jakaja zajmałasia kantrabandaj cyharet biełaruskaj vytvorčaści praz terytoryi Rasii i Łatvii ŭ Jeŭrasajuz. Dla supraćpraŭnaj dziejnaści vykarystoŭvaŭsia jak naziemny, tak i marski transpart», - raspaviali ŭ MUS.

Tak, u listapadzie 2015 hoda kryminalny kalektyŭ ažyćciaviŭ niezakonnuju pastaŭku bolš za 1,1 młn pačkaŭ cyharet ź Biełarusi biez akcyznych marak ES u Vialikabrytaniju. U śniežni taho ž hoda była pradpryniataja jašče adna sproba pieranieści na terytoryju Złučanaha karaleŭstva 158, 4 tys. pačkaŭ cyharet, adnak hruzavy aŭtamabil z kantrabandaj byŭ zatrymany palicyjaj Kaŭnasa.

Клас
0
Панылы сорам
0
Ха-ха
0
Ого
0
Сумна
0
Абуральна
0