29 lipienia ŭ vioscy Alšany, Stolinskaha rajona matacykł źbiŭ 13-hadovuju dziaŭčynku. Paciarpiełaja ŭ ciažkim stanie dastaŭlena ŭ balnicu.

Dakładnyja abstaviny zdareńnia pakul nie viadomyja. Jak paviedamiŭ tut.by čytač, 29 lipienia ŭ ahraharadku Alšany, Stolinskaha rajona «aŭtamabil DAI źbiŭ matacyklista, jaki, u svaju čarhu vylecieŭ na abočynu i źbiŭ dziaŭčynu». Hetuju viersiju paćvierdzili tut.by žychary ahraharadka, ź jakimi nam udałosia źviazacca.

«Supracoŭniki DAI padrazali matacykł u vyniku matacykł vyjechaŭ na tratuar i ŭlacieŭ u dziaŭčat jakija išli ŭ toj čas pa tratuary», - paviedamiŭ alšaniec Alaksandr.

Jość jašče adna viersija DTZ. Zhodna ź joj DAI pieraśledvała matacyklista, jaki sprabavaŭ uciačy. Padčas pahoni matacyklist ździejśniŭ najezd na piešachoda. Pry hetym ci byŭ kantakt pamiž aŭtamabilem DAI i matacykłam, nieviadoma.

Pa kamientar tut.by źviarnuŭsia va UUS Bresckaha abłvykankama. U viedamstvie paćvierdzili fakt DTZ, ale padkreślili, što abstaviny avaryi pakul vyśviatlajucca, pravodzicca pravierka.

Pavodle infarmacyi tut.by paciarpieła 13-hadovaja dziaŭčynka. Ź miesca avaryi paciarpiełuju paviezła chutkaja. U ciažkim stanie jaje špitalizavali ŭ reanimacyjnaje adździaleńnie balnicy ŭ Pinsku.

Клас
0
Панылы сорам
0
Ха-ха
0
Ого
0
Сумна
0
Абуральна
0