Minskaja milicyja šukaje žančynu, jakaja padniała sa śmietnicy la abmiennaha punkta kupiuru ŭ 100 dalaraŭ.

«Incydent adbyŭsia 25 maja hetaha hoda ŭ abmiennym punkcie pa praśpiekcie Rakasoŭskaha, 114. Mužčyna, abmianiaŭšy biełaruskija rubli na 100 dalaraŭ ZŠA, zabraŭ maniety, a dalaravuju kupiuru razam z čekam mašynalna vykinuŭ u śmietnicu. Žančyna, jakaja stajała za im u čarzie, dastała ček z zahornutaj u jaho kupiuraj, paśla čaho źnikła», — paviedamlajuć milicyjanty.

Supracoŭniki milicyi prosiać hramadzian akazać dapamohu ŭ vyśviatleńni asoby žančyny. U RAUSie Leninskaha rajona patłumačyli, što ŭłaśnik hrošaj pryjšoŭ u milicyju pa dapamohu. Jon nie choča pryciahvać žančynu da adkaznaści, spadziajecca tolki, što jana pahodzicca viarnuć jamu hrošy.

Pry hetym, kali žančyna admovicca viarnuć hrošy, to jaje dziejańni amal niemahčyma kvalifikavać jak supraćpraŭnyja. Ale milicyja i mužčyna, jaki zhubiŭ hrošy, raźličvajuć na sumlennaść žančyny.

Prykmiety žančyny: na vyhlad 30-35 hadoŭ, siaredniaha ciełaskładu, vałasy ciomnyja, doŭhija, byli sabranyja ŭ chvost. Była apranuta: viatroŭka siniaha koleru, šeraja futbołka, čornyja štany, čornyja čaraviki. Pry sabie mieła dziciačy samakat aranžavaha koleru.

Kali vy paznali žančynu na fota, prośba źviartacca ŭ Leninskaje RUUS h.Minska asabista (2-i Viełasipiedny zavułak, 9) abo pa telefonach: 8 (017) 368-12-03, 8 (017) 367-62-02, (029) 776-07-50 albo 102.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?