U Słuckim rajonie mužčyna źbiŭ bitaj liceistaŭ za šum kala doma, paviedamlaje UUS Minabłvykankama.

Incydent adbyŭsia ŭviečary ŭ kancy lipienia. Kampanija maładych ludziej na aŭtamabili i skutary spyniłasia kala doma 36-hadovaha žychara Słuckaha rajona. Z sałona danosiłasia hučnaja muzyka, šumna pracavali ruchaviki. Usio heta pieraškadžała adpačyvać maleńkim dzieciam mužčyny.

«Haspadar doma vyjšaŭ na vulicu i paprasiŭ pavodzić siabie cišej. Adnak padletki praihnaravali jaho prośbu, hruba adkazali i pakazali nieprystojny žest», — raspaviali ŭ UUS Minabłvykankama. U adkaz na hrubaść mužčyna prynios samarobnuju draŭlanuju bitu i dvojčy ŭdaryŭ joj pa šlemie kiroŭcy skutara. Pa datyčnaj dastałasia i pasažyru. Usia kampanija tut ža raźbiehłasia, a paciarpiełyja źviarnulisia ŭ milicyju.

U dačynieńni da padazravanaha raspačataja kryminalnaja sprava pa č. 3 art. 339 (asabliva złosnaje chulihanstva) KK. Jamu pahražaje da 10 hadoŭ pazbaŭleńnia voli.

Клас
Панылы сорам
Ха-ха
Ого
Сумна
Абуральна